केळीच्या खोडाची पौष्टिक स्वादिष्ट भाजी बनवण्याची पद्धत

  केळीच्या खोडाची पौष्टिक स्वादिष्ट भाजी बनवण्याची पद्धत 

केळीच्या खोडाची पौष्टिक स्वादिष्ट भाजी बनवण्याची पद्धत पाहूया.  त्यासाठी लागणारे साहित्य पुढील प्रमाणे घेऊ.
 
 साहित्य: 

• १ फूट लांबीचे ३ केळीचे खोड
  
•  २ कापलेले कांदे
  
•  ५ ते ६ कापलेल्या हिरव्या मिरच्या
  
• ६ ते ७ ठेचलेल्या लसूण पाकळ्या
  
• १ चमचा मोहरी
  
• १ चमचा जिरे
  
•  कडीपत्ता
  
•  १/४ चमचा हिंग पूड
  
•  १/२ चमचा हळद पूड
  
•  १ मोठा चमचा तेल
  
•  मीठ 
  

बनवण्याची कृती:
 

1. प्रथम १ फूट लांबीचे ३ केळीचे खोड स्वछ धुऊन साफ करून घ्या.   
   
   
                                                                            
2. केळीच्या खोडाच्या १/२ इंच जाडीच्या चकत्या कापून घ्या.     
   
                                                       
   
   
   
3. चकत्या कापताना निघणारे धागे हाताने काढून घ्या.                                                                                             
4. चकत्याचे धागे काढून झाल्या नंतर, लहान चौकोनी आकारामध्ये कापून घ्या.                             
   
   
             
5. त्या नंतर पाण्यात ५ मिनिटे  पाण्यात भिजत ठेवा.                                                                       
   
6. कढई मध्ये १ चमचा तेल गरम करा.                                                                                          
7. तेल गरम झाल्यावर मोहरी घाला.                                                                                             
8. मोहरी तडतडल्यावर जिरे घाला.                                                                                              
9. हिंग, कडीपत्ता, हिरवी मिरची, लसूण, कापलेला कांदा, हळद पूड आणि मीठ घालून परतून घ्या.    
10. आता कापलेली भाजी घालून नीट मिसळून घ्या. 
    
    
                                                                          
11. पाणी न घालता झाकण ठेवून १५ मिनिट मंद आचेवर शिजवा.                                                                   
12. १५ मिनिटानंतर ओल खोबर आणि कापलेली कोथिंबीर वर घालून घ्या.                                                                              
13. चविष्ट केळीच्या खोडाची भाजी तयार.
    

 
 
 
अधिक माहितीसाठी आमच्या युट्युब चॅनेलला अवश्य भेट द्या.  रेसिपी आवडल्यास कमेंट मध्ये नक्की लिहा, चॅनेलला लाइक आणि सब्सक्राइब करा:  https://youtu.be/qF_5oYs5McU
 
 
 

मांदेली मच्छी कढी मांदेलीचे सार बनवण्याची पद्धत

मांदेली मच्छी कढी मांदेलीचे सार बनवण्याची पद्धत 

 

मांदेली मच्छी कढी बनवण्याची कृती पाहू, त्यासाठी लागणारे साहित्य पुढील प्रमाणे घेऊ.

 साहित्य: 

• १ वाटी ओलं खोबर
• ७ ते ८ लाल मिरच्या
• १ कांदा
• ६ ते ७ लसूण पाकळ्या
• १ चमचा धने
• ६ ते ७ तिरफळं
• हळद पूड
• मीठ
• ४ ते ५ कोकम

बनवण्याची कृती:

1.  प्रथम मांदेली कापून साफ करून घ्या.  मीठ लावून १० मिनीटे ठेवा.                                               
2. १० मिनिटानंतर  मांदेली स्वछ धुवून घ्या.                                                                                   
3. आता मिक्सर मध्ये ओलं खोबर, कांदा, लसूण, लाल मिरच्या, धने हळद पूड घालून बारीक वाटून घ्या.       
   
   
                                                                            
4.  एका भांड्यात दीड चमचा तेल गरम करा.                                                                                                    
5. तेल गरम झाल्यावर कापलेला कांदा आणि कडीपत्ता घाला.                                                       
6. कांदा गुलाबी झाल्यावर कापलेला टोमॅटो घालून २ मिनिट शिजवा.                                             
7. धुतलेली मांदेली आणि मीठ घालून परतून घ्या.                                                                          
   
   
   
8. आता खोबऱ्याचं वाटण आणि कोकम घालून आवश्यकतेनुसार पाणी घालून झाकण ठेवून १० मिनिट शिजवून घ्या.  चवदार मांदेली कढी तयार. 
   
   
   

अधिक माहितीसाठी आमच्या युट्युब चॅनेलला अवश्य भेट द्या.  रेसिपी आवडल्यास कमेंट मध्ये नक्की लिहा, चॅनेलला लाइक आणि सब्सक्राइब करा:  https://youtu.be/Lg69XKEf68w

कोकणातील पारंपरिक सात काप्याचे घावणे

कोकणातील पारंपरिक सात काप्याचे घावणे

सात काप्याचे घावणे हा तळकोंकणातली गोड पदार्थांच्या यादीतील एक महत्त्वाचा  पदार्थ.  याची बनवण्याची पद्धत खुपच वेगळी आहे.  हा पदार्थ खास सणांना नेवेद्य म्हणून आणि  विशेष कार्यक्रमांना बनवला जातो.

सुरुवातीला आपण सात काप्याचे घावणे बनवण्याची पद्धत पाहूया.  त्यासाठी लागणारे साहित्य पुढील प्रमाणे घेऊ. 

साहित्य:

•  २ वाटी तांदूळ
• १ वाटी किसलेलं ओलं खोबर
•  १ वाटी गूळ 
• १/२ चमचा वेलची पूड
• पाणी 
• मीठ 
• तेल

बनवण्याची कृती:

1. प्रथम २ वाटी तांदूळ पाण्यात ७ ते ८ तास भिजत ठेवा.                                                                    
2. ८ तासानंतर तांदूळ स्वछ धुवून मिक्सर मधून  बारीक वाटून घ्या.                                                      
3. १ वाटी पाणी घालून मिश्रण तयार करून घ्या.                                                                            
4. सारणासाठी एका भांड्यात ओलं खोबर, गूळ आणि वेलची पूड नीट मिसळून घ्या.       
   
   
                     
5. आता तवा गरम करायला ठेवा.                                                                                                              
6. तवा गरम झाला कि त्याला तेल लावून घ्या आणि मिश्रण पूर्ण पसरवून तव्यावर घाला.   
   
   
                     
7. तव्यावर झाकण ठेवा.                                                                                                              
8. २ मिनिटानंतर घावन फिरवून घ्या.                                                                                                                           
9. आता अर्ध्या भागावर गूळ-खोबऱ्याचं मिश्रण घाला आणि मधून दुमडून घ्या.                                     
10. आता तव्याच्या अर्ध्या भागावर तेल लावा आणि मिश्रण घालून घ्या.   
    
    
                                               
11. गूळ-खोबऱ्याचं सारण घालून १ मिनिटं  झाकण ठेवून शिजवून घ्या.                                             
12. अर्धा भाग सारण  घातलेल्या भागावर दुमडून घ्या.                                                                     
13. अश्या प्रकारे ५ ते ७ वेळा करा. तयार घावण प्लेट वर काढून घ्या. 

अधिक माहितीसाठी आमच्या युट्युब चॅनेलला अवश्य भेट द्या.  रेसिपी आवडल्यास कमेंट मध्ये नक्की लिहा, चॅनेलला लाइक आणि सब्सक्राइब करा: https://youtu.be/n8ZeRX_Bfjs

 

 

कोकणची ओळख तांदळाचे घावणे नीर डोसा

  कोकणची ओळख तांदळाचे घावणे नीर डोसा 

घावणे हा कोंकणातली पदार्थांच्या यादीतील एक महत्त्वाचा पदार्थ . याची बनवण्याची पद्धत खुपच सोपी आहे.  हा पदार्थ विशेषतः सकाळच्या नाश्ता पासून ते दुपारच्या व रात्रीच्या जेवणांत याच समावेश केला जातो.  घावणे चटणी सोबत किंवा एखाद्या ग्रेव्ही भाजी सोबत सर्व्ह करू शकता.  घावणे बनल्या नंतर ते जाळीदार पांढरे शूभ शुभ्रर दिसणे महत्वाचे आहे,  आणि घावण्याची ती ओळख सुद्दा आहे.  घावणे बनवण्यासाठी  उत्तम प्रकारच्या तांदळाची आवश्यकता असते.  तरच घावणे मऊ व लुसलुशीत बनतांत.

त्याच बरोबर घावणे बनवण्यासाठी लागणारा भिडी तवा योग्य असणे आवश्यक आहे.  ४० ते ५० वर्षा पूर्वी  दगडाचे तवे बाजारात उपलब्ध होते, त्यावर घावणे उत्तम बनत होते परंतु आताच्या काळात लोखंडाचे भिडी तवे बाजारात मिळतात त्याचा आपण वापर करू शकतो. 

महत्वपूर्ण सूचना:

तवा बाजारातून विकत आणल्यावर त्यावर कांद्याचे चकते काढून २ चमचे तेलांत शेगडीवर तापवणे  आणि  ते २ ते ३ दिवस  तसेच ठेवणे.  नंतर त्या तव्यावर घावणे बनवूं शकतो.  हा प्रयोग जुन्या  तव्यावर जर घावणे बरोबर येत नसतील तरीसुद्धा करू शकता.  याचा  उत्तम फायदा होतो व घावणे सुद्धा उत्तम बनतात. 

सुरुवातीला आपण घावणे बनवण्याची पद्धत पाहूया.  त्यासाठी लागणारे साहित्य पुढील प्रमाणे घेऊ. 

साहित्य:

• २ वाटी तांदूळ
• पाणी
• मीठ 
• तेल

बनवण्याची कृती:

1. प्रथम २ वाटी तांदूळ पाण्यात ७ ते ८ तास भिजत ठेवा.                                                    
2.  ८ तासानंतर तांदूळ स्वछ धुवून मिक्सर मधून  बारीक वाटून घ्या.                                           
3.  १ वाटी पाणी घालून मिश्रण तयार करून घ्या.                                                                
4.   तवा गरम झाला कि त्याला तेल लावून घ्या आणि मिश्रण पूर्णपसरवूनतव्यावरघाला.           
5.  तव्यावर झाकण ठेवा.                                                                                                  
6.  २ मिनिटानंतर घावन फिरवून घ्या.                                                                                           
7.  १ मिनिटानंतर तयार घावण प्लेट वर काढून घ्या.                                                                    
8. घावणे चटणी सोबत किंवा एखाद्या ग्रेव्ही सोबत सर्व्ह करू शकता.                                      
9.  आणि या अतिशय उत्तम डिश चा आस्वाद घेऊ शकता. 

कोकणातील ही अतिशय उत्तम झटपट बनणारी पारंपारीक डिश आहे, जी तुम्ही घरी बनवा व नक्की कंमेंट मध्ये लिहा.

अधिक माहितीसाठी आमच्या युट्युब चॅनेलला अवश्य भेट द्या.  रेसिपी आवडल्यास कमेंट मध्ये नक्की लिहा, चॅनेलला लाइक आणि सब्सक्राइब करा  : https://youtu.be/5Q5EVc3qn5U
 

 

सर्वांच्या आवडीचा गोड पदार्थ उकडीचे मोदक

सर्वांच्या आवडीचा गोड पदार्थ उकडीचे मोदक 

उकडीचे मोदक (Ukadiche Modak) म्हणजे एक प्रमुख महाराष्ट्रीय विशेषत: गणेश चतुर्थीसाठी तयार केलेले विशिष्ट प्रकारची पाककृती आहे. मोदकाला पुराणापासूनचे खुप धार्मिक महत्व आहे. गणपतीला मोदक खुप प्रिय आहेत. त्यामुळे गणपतीला नेहमी मोदकाचाच नेवेद्य दिला जातो. 

सुरुवातीला आपण उकडीचे मोदक  बनवण्याची पद्धत पाहूया.  त्यासाठी लागणारे साहित्य पुढील प्रमाणे घेऊ.       

  साहित्य:    

• १ वाटी किसलेलं ओलं खोबर  
• १ वाटी किसलेलं गूळ
• १ वाटी तांदळाचं पीठ 
• १ वाटी पाणी
•  १ चमचा तूप
• १/२ चमचा वेलची पूड
•  मीठ

बनवण्याची कृती:

1. प्रथम मोदकाच्या सारणासाठी एका भांड्यात खोबर आणि गूळ  घालून शिजवून घ्या.                     
2.  मिश्रण थोडं घट्ट झाल्यावर वेलची पूड घालून गॅस बंद करा.                                                                                                                                            
3.  मोदकाचं सारण थंड होऊ द्या.                                                                                                                                    
4.  आता एका टोपामध्ये १ वाटी पाणी गरम करायला ठेवा.                                                                                                                                                                      
5. पाणी गरम झालं कि त्यात १ चमचा तूप आणि १/२ चमचा मीठ घाला.                                                                                                                                                               
6. आता १ वाटी तांदळाचं पीठ घालून नीट ढवळून घ्या.                                                                     
7. आणि झाकण ठेवून १० मिनिट ठेवा.                                                                                                                       
8. १० मिनिटानंतर पीठ मऊ होईपर्यंत मळून घ्या.                                                                                                
9. आता लिंबाच्या आकारा एवढं पीठ घेऊन गोल लाटून घ्या.                                                                                                                          
10. मधोमध  सारण ठेवून सर्व कडा  एकत्र करून मोदक तयार करा.                                                   
11. अश्या प्रकारे सर्व मोदक तयार करून घ्या.  तयार मोदक १५ मिनिट वाफवून घ्या.  उकडीचे मोदक तयार !  

 अधिक माहितीसाठी आमच्या युट्युब चॅनेलला अवश्य भेट द्या.  रेसिपी आवडल्यास कमेंट मध्ये नक्की लिहा, चॅनेलला लाइक आणि सब्सक्राइब करा: https://youtu.be/v7lYBitl64M