घरच्या घरी बनवा मुंबईचा फेमस वडा पाव

घरच्या घरी बनवा मुंबईचा फेमस वडा पाव

   

 मुंबईतील काही प्रसिद्ध वडा पाव सेन्टर आहेत जे तुम्ही गूगल वर शोधू शकता.  

आता आपण वडापाव घरी कसा बनवायचा ते पाहू. त्यासाठी लागणारे साहित्य आणि बनवण्याची कृती खाली देत आहे.  

 साहित्य:

• सात ते आठ उकडलेले बटाटे  
• बेसन 
• हळद पूड
• तेल
• मोहरी
• कडीपत्ता
• लसूण-हिरवी मिरची
• कोथिंबीर पेस्ट
• मीठ
• हळद पूड  

 हिरव्या चटणीचे साहित्य:

• १ वाटी कोथिंबीर
• ७ ते ८  हिरव्या मिरच्या
• ६ ते ७ लसूण पाकळ्या
• १/४  वाटी पुदिना
• अर्धा चमचा जिरे पूड 
• चवीनुसार मीठ 

   सुकी लाल चटणीचे साहित्य:

• १/२ वाटी शेंगदाणे
• ४ ते ५ सुक्या लाल मिरच्या 
• १/२ वाटी बुंदी 
• ५ ये ६ लसूण पाकळ्या
• चवीनुसार मीठ 

बनवण्याची  कृती: 

1. प्रथम हिरवी चटणी बनवण्यासाठी मिक्सर जार मध्ये कोथिंबीर, हिरव्या मिरच्या,      लसूण, पुदिना, जिरे पूड आणि मीठ घालून बारीक वाटून घ्या. 

 

 २. नंतर  लाल सुक्या चटणी साठी शेंगदाणे आणि लाल मिरची तेलात तळून घ्या. बुंदी 

बनवून घ्या. पाणी न वापरता सर्व साहित्य मिक्सर जार  मधून बारीक वाटून घ्या. सुकी लाल चटणी करून बाजूला ठेवा.

  

  ३. आता वडे बनवण्यासाठी सात ते आठ बटाटे उकडून कुस्करून घ्या. 

 

   ४. कढई मध्ये १ चमचा तेल गरम करा.  त्यात १ चमचा मोहरी घाला.  मोहरी

 तडतडलयावर कडीपत्त्याची ५ ते ६ पाने घाला व तेलात चांगली परतून घ्या. 

   ५. आता ७ ते ८ लसूण पाकळ्या, ५ ते ६ हिरव्या  मिरच्या आणि थोडी कोथिंबीर घालुन

पेस्ट करून घ्या.  

  ६. नंतर चवीनुसार मीठ, अर्धा चमचा हळद पूड आणि उकडून घेतलेले बटाटे घालून 

नीट मिसळून घ्या.  

  ७. २ मिनिटं झाकण ठेवून मिश्रण शिजवून घ्या.  मिश्रण थंड झाल्यावर लिंबाच्या

आकाराचे गोळे तयार करा. 

  ८. एका भांड्यात २ वाटी बेसन, २ चमचे तांदळाचे पीठ, चवीनुसार मीठ आणि अर्धा

 चमचा हळद पूड घाला. २ वाटी पाणी घालून जाडसर मिश्रण तयार करा.  

  ९. तयार झालेल्या पिठाच्या मिश्रणात बटाट्याचे गोळे बुडवून तेलात सोडा.  

  १०. मध्यम आचेवर बटाटे वडे सोनेरी लालसर होईपर्यंत तळून घ्या. 

 

  ११. हिरवी चटणी आणि सुकी लाल चटणी पावाला लावून घ्या,  त्यावर वडा ठेवून सर्व्ह करा.  

  १२. टेस्टी वडापाव तयार झाला.  अश्याप्रकारे घरच्या घरी स्ट्रीट फूडचा आनंद घ्या. 

 अधिक माहितीसाठी आमच्या युट्युब चॅनेलला अवश्य भेट द्या.  रेसिपी आवडल्यास कमेंट मध्ये नक्की लिहा, चॅनेलला लाइक आणि सब्सक्राइब करा: https://youtu.be/0cPesPJqt_M?si=xN7u55MOJW8DUTdn

 

कुरकुरीत झटपट मका भजी बनवण्याची सर्वात सोप्पी पद्धत

 कुरकुरीत झटपट  मका भजी बनवण्याची सर्वात सोप्पी पद्धत 

      मका भजी म्हणजेच कॉर्न पकोडा हा एक लोकप्रिय भारतीय नाश्ता आहे जो ताज्या, गोड मक्याच्या दाण्यांपासून तयार केला जातो आणि त्यात बेसन (बेसन) पिठ मिसळून कुरकुरीत होईपर्यंत तळले जाते.  हा एक स्वादिष्ट आणि कुरकुरीत नाश्ता आहे जो सामान्यतः पावसाळ्यात किंवा हिवाळ्यात केला जातो.  

 कॉर्न पकोडे पुदिनाची चटणी किंवा दह्या सोबतही खाऊ शकता. 

आता आपण कॉर्न पकोडे बनवण्याची कृती पाहू ! 

  साहित्य:

• २ ताजे मक्याचे कणीस
• २ चमचे कॉर्न फ्लोअर
• ४ ते ५ चमचे बेसन
• १ चमचा आलं-लसूण पेस्ट
• १ चमचा लाल मिरची पूड
• १/२ चमचा धने जिरे पूड
• १/४ कप चिरलेली कोथिंबीर
• मीठ
• तेल

     बनवण्याची कृती:

1. सुरुवातीला  मक्याचे दाणे काढून घ्या आणि मिक्सर मधून जाडसर वाटून घ्या.                             
   
   
    
2.  मिश्रण एका बाऊल मध्ये काढून त्यात २ चमचे कॉर्न फ्लोअर, ४ ते ५ चमचे बेसन, १ चमचा मीठ, १ चमचा लाल मिरची पूड , १/२ चमचा धने-जिरे पूड, १ चमचा आलं-लसूण पेस्ट आणि १/४ कप चिरलेली कोथिंबीर घालून नीट मिसळून घ्या.                                                                             
3.  आता कढई मध्ये तेल गरम करून घ्या.                                                                                    
4. तेल गरम झाल्यावर भजी मध्यम आचेवर लालसर होईपर्यंत तळून घ्या.                                       
   
   
                   
5. गरमागरम कुरकुरीत मक्याची भजी तयार.

             अधिक माहितीसाठी आमच्या युट्युब चॅनेलला अवश्य भेट द्या.  रेसिपी आवडल्यास कमेंट मध्ये नक्की लिहा, चॅनेलला लाइक आणि सब्सक्राइब करा: https://rb.gy/0crm6

आंबा मलाई बर्फी # झटपट आणि सोपी आंब्याची मिठाई

  आंबा मलाई बर्फी # झटपट आणि सोपी आंब्याची मिठाई      

आंब्याच्या असंख्य जाती आहेत, प्रत्येक आंब्याला स्वतःची खास चव, सुगंध आहे.  हापूस आंबा हि एक आंब्याची लोकप्रिय जात आहे.  हापूस आंब्याची लागवड विशेषतः कोकणात जास्त प्रमाणात केली जाते. 

आंबा मलाई बर्फी किंवा आंब्याची मिठाई  बनवण्याच्या वेगवेगळ्या पद्धती आहे त्यातली एक सोपी व योग्य पद्धत आपण पाहू !

साहित्य:

• ४ ते ५ हापूस आंबे 
• २ वाटी दूध
• २ वाटी साखर
• १ चमचा कॉर्नफ्लोअर
• १/२ चमचा सायट्रिक ऍसिड

बनवण्याची कृती:

1.  सुरुवातीला पिकलेले रसाळ चांगल्या प्रतीचे हापूस आंबे स्वच्छ धुऊन कापून रस काढून घ्या.      
   
   
   
2. रसाच्या समप्रमाणात साखर घ्या. एका पॅन मध्ये २ कप दूध गरम करायला ठेवा.                         
3. एका बाउल मध्ये १ चमचा कॉर्न फ्लोअर पाण्यात मिसळून घ्या.                                                                           
4. दुसऱ्या बाउल मध्ये १/२ चमचा सायट्रिक ऍसिड पाण्यात मिसळून घ्या.                                                                             
5. दूध आटून अर्ध झाल्यावर, पाण्यात मिसळलेलं सायट्रिक ऍसिड आणि कॉर्न फ्लोअर दुधात घाला.                                                                                                               
   
   
         
6. २ मिनिटानंतर आंब्याचा रस घाला.                                                                                                 
7. आता रसाच्या समप्रमाणात घेतलेली साखर दुधात घालून मिश्रण मंद आचेवर सतत ढवळत रहा.   
8. मिश्रण थोडं घट्ट झाल्यावर गॅस बंद करा.                                                                                                                  
9. बर्फी चे मिश्रण तूप लावलेल्या प्लेट मध्ये ओतून घ्या आणि  नीट पसरवुन घ्या.  वरून ड्रायफ्रूट पावडर  घाला.                                                                                                                        
   
   
    
10. २ ते ३ तासानंतर बर्फी च्या वड्या कापून घ्या.                                                                  

      अशा प्रकारे घरी बनवलेली अत्यंत शुद्ध आंब्याची मिठाई  तुम्ही तुमचा घरी लहान मुलांना               खाण्यासाठी देऊ शकता, किंवा तुमच्या नातेवाईक, मित्र मंडळींना भेट देऊ शकता.
       तुमच्या धार्मिक कार्यात सणांना, पार्ट्या मध्ये बनवू शकता, दिवाळी सारख्या मोठ्या सणांना             फ़राळात याचा समावेश करू शकता. 

 अधिक माहितीसाठी आमच्या युट्युब चॅनेलला अवश्य भेट द्या.  रेसिपी आवडल्यास कमेंट मध्ये नक्की लिहा, चॅनेलला लाइक आणि सब्सक्राइब करा: https://youtu.be/bUebXBKd4Q4?si=Cb0a41XI8Aogv80I

 

कुरकुरीत पेपर डोसा

  कुरकुरीत पेपर डोसा 

   पेपर डोसा, ज्याला  "साधा  डोसा" असेही म्हणतात, हा एक लोकप्रिय दक्षिण भारतीय पदार्थ आहे. 

  पेपर डोसाच्या मुख्य घटकांमध्ये तांदूळ आणि उडीद डाळ यांचा समावेश करतात.  हे सर्व मिश्रण पाण्यात भिजवून नंतर मिक्सर मधून बारीक वाटले जाते आणि नंतर आंबवले जाते.

 
पेपर डोसा 'भिडी तव्यावर' तयार केला जातो.  पीठ संपूर्ण तव्यावर पातळ आणि समान रीतीने पसरवले जातो, आणि सोनेरी-तपकिरी आणि कुरकुरीत होईपर्यंत शिजवला जातो.
 
 पेपर डोसा नारळाची चटणी आणि सांबार व्यतिरिक्त, टोमॅटो चटणी, पुदिन्याची चटणी या बरोबर सर्व्ह केला जातो.
 
 डोसा हा एक स्वादिष्ट पदार्थ आहे.  याला  दक्षिण भारतातील पाककृतींमध्ये सांस्कृतिक महत्त्व देखील आहे.  आता आपण डोसा बनवण्याची कृती पाहू !

  साहित्य:

• २ वाटी उकडे तांदूळ
• २ वाटी तांदूळ 
• १ वाटी उडीद डाळ
• १ चमचा मेथी दाणे
• १ चमचा मीठ
• १ चमचा खाण्याचा सोडा

बनवण्याची कृती:

1.  प्रथम तांदूळ आणि डाळ ७ ते ८ तास वेगवेगळे पाण्यात भिजत ठेवा.                                                   
2.  ८ तासानंतर तांदूळ आणि डाळ धुवून मिक्सर मधून बारीक वाटून घ्या.                                       
   
   
     
3. वाटलेल्या मिश्रणामध्ये १ चमचा मीठ आणि १ चमचा खाण्याचा सोडा घालून पीठ नीट ढवळून घ्या.                                                                                                                                                           
4.   आवश्यकतेनुसार पाणी घाला. आणि ७ ते ८ तासासाठी पीठ झाकून ठेवा.                                  
5. ८ तासानंतर पीठ छान आंबून येते.                                                                                           
   
   
                                      
6. पीठ नीट फेटून घ्या.  डोसा पॅन चांगला गरम करून घ्या.                                                           
7. गॅस मंद करून तव्यावर पीठ घाला आणि गोल पातळ पसरून घ्या.                                           
   
   
                                                       
8.  वरून थोडं तूप लावा. वरून झाकण ठेवा.                                                                                        
9. २ मिनिटानंतर डोसा प्लेट मध्ये काढून घ्या.  

चटणी आणि संभार सोबत सर्व्ह करा.  कुरकुरीत पेपर डोसा तयार.  पेपर डोसा सकाळच्या नाश्त्या साठी बनवू शकता.
 
             अधिक माहितीसाठी आमच्या युट्युब चॅनेलला अवश्य भेट द्या.  रेसिपी आवडल्यास कमेंट मध्ये नक्की लिहा, चॅनेलला लाइक आणि सब्सक्राइब करा: https://youtu.be/LHrDD3qOR_w?si=s3Kdiok5bI3gn9pV